قلت ليه انا كنبغيك *** شاف فيا شوفة العدو *** وقال ليا بزاف عليك
و شوف انا فين و انت فين *** يبان لك الفرق يا مسكين
وقلت له الله يا سيدي *** فين تلقى أصفى من ودي *** والقلب راه يتهلا فيك
صادق والنية حسنة *** ما حامل غير المزيانة ** ونحلف بمن لاقاني بيك
شاف فيا وضحك وزاد ** خلالي دمعي هواد ** قدام العادي والبادي ** وقدام الرايح والغادي
وشوف انا فين و انت فين *** يبان لك الفرق يا مسكين
وقلت ليه الله يا سيدي *** فين تلقى أصفى من ودي *** والقلب راه يتهلا فيك
الصدمة كانت قوية
حرقت مشمومي فيديا ** وطاح رمادو فوق رمادي
.هب الريح لعب بينا *** وبغى فين مشى يدينا
ومشات ايام وجات أيام
الجرح تشافى وبرينا *** حدرت العطفة ونسينا
وعاد ليه الحمد السلام
ركبنا قطار الحياة *** وبقات ورانا ذكريات
قبالتنا أمل كبير
وشوف أنا فين و انت فين *** يبان لك الفرق يا مسكين
وقلت ليه الله يا سيدي *** فين تلقى أصفى من ودي *** والقلب راه يتهلا فيك
فيوم وانا راحل جوال *** انا غادي راحل جوال
بان لي بين الناس خيال *** عيونو يائسة وحزينة
فين الشباب؟ بهات وزال ** فين الجمال؟ عيى وذبال
غرور قتالتو الغبينة
هو لعبت بيه الأيام *** هو صدت بيه الاوهام *** ورماتو خارج المدينة
هو اللي قلت ليه كنبغيك *** وشاف فيا شوفة العدو ** وقال لي بزاف عليك
وشوف انا فين و انت فين *** و باقي قلبي كيبغيك
